مش عارف أوصف الحزن غير إن هو الشعور بالحاجة للإنعزال عن جميع أشكال الإتصال بالحياة . 

أحياناً الإنعزال عن العالم بيبقى مفيد , أحياناً بتبقى محتاج تتكلم مع نفسك و تراجعها . 

بس لو الإنعزال عن العالم زاد عن حده هيقلب بإنك هتخسر وقت كتير .

و لازم تدرك حاجة مهمة جداً … مهما حزنت عمر حزنك ما هيغير الواقع .

مبقولكش متحزنش إنت إنسان و عندك مشاعر مش روبوت , بس لازم تبقى فاهم إن الحزن ليس له قيمة .

بس متضيعش وقتك على الحزن … و مين عارف ؟ ممكن تحزن على حاجة إنهاردة و بعد كدة تكتشف إن كدة أفضل .

بعد فترة تفكير طويلة أقدر أقول أن السعادة حالة فكرية , السعادة بتتحقق لما الشخص بيقنع إنه سعيد .

طول ما الشخص مش شايف نفسه سعيد عمره ما هيبقى سعيد مهما حقق و وصل لحاجات .

السعادة ملهاش علاقة بالجانب المادى ,  فى الفقير اللى عايش فى سعيد و فى الغنى اللى عايش حزين .

السعادة لا تعتمد على الأشخاص , كام واحد ملوش صحاب و سعيد و كام واحد عنده صحاب كتير حزين .

السعادة لن تتحقق بالسعى وراء ما يعتقد الإنسان أنها أسباب السعادة , السعادة تأتى وحدها عندما يكون الإنسان جاهز فكرياً ليكون سعيداً .

إنت و إنت بس تقدر تقنع نفسك إنك سعيد .